ملاحظة بشرية جداً

،عادةً، اللي بيبقى وراه حاجات أو مسؤوليات يعملها بيفضل متوتّر و باله مشغول لغاية ما

 يخلّصها كلها بعدين يحس براحة نفسية

و دا على الصعيد اليومي

أما على صعيد الحياة عموماً، اللي بيتقن عمل حاجة معيّنة ببراعة يقدر برضه يكون عنده نفس الراحة النفسية دي.. بيبقى كأنّه عمل اللي عليه...

و اللي مابيتقنش حاجة خالص بيفضل عنده شعور بإن وراه حاجة لازم يخلّصها... و عمرها مابتخلص

عصر الإنترنت الجميل

من وقت ما اتعرّفت على الإنترنت و هو شيء عزيز على قلبي جداً

كائن حي يعيش و يتعايش جوّايا

في الأول كنت بدخل أسمع الأغاني المفضلة عندي

بعد كدا ابتديت اتعرّف على الناس من خلال الشات

بعد كدا ابتديت اتعرّف على مواقع فنيّة تنمّي قدراتي و تخلّيني أكتشف إني عندي مقدرة إني أعمل حاجات كتير ماكنتش اعرف إنها  موجوجة فيّا، مع العلم إني ماعنديش موهبة محدّدة أكرّس ليها وقتي الفاضي، فبحب أعمل أي حاجة بديلة أقدر أعملها

بعد كدا عرفت حاجة إسمها مدوّنة

و دي كانت مرحلة عزيزة على قلبي جداً، اتعرّفت من خلالها على ناس لسّة لحد دلوقتي بعتز بصداقتهم

بعد كدا جه عصر الفيسبوك، و اللي لسّة لحد دلوقتي باهرني في كل حاجة فيه

**

و كفاية إن الإنترنت أصلاً هو اللي خلّاني أتعرّف على حوزي

:))

**

أمّا عن دلوقتي، فالإنترنت بالنسبالي هو قمّة السعادة و الإستفادة

معظم قراءاتي و معلوماتي مصدرها هو

أمّا الحاجة العبقرية اللي ماعرفتش قيمتها غير مؤخراً جداً، هي الفيديوهات التعليمية اللي موجودة في أي حتة دي!!

يعني انا في الأوّل كنت بقول إني مش بحب التعليم الذاتي و إني لو عايزة اتعلّم حاجة لازم و لا بد أروح كورس في مكان متخصّص للتعليم

بس الكلام دا كلّه أي كلام! اليوتيوب كفيل إنّه يعلّمك أي حاجة انت عايزها في يمكن ربع الوقت اللي محتاجه في أي كورس

واطلق العنان لفنّك و إبداعك

**

أنا مدينة فعلاً لكل الإختراعات المذهلة اللي حصلت في العقد أو العقدين الأخيرين

و ممتنّة لكل شخص بيطوّر منها و بيبذل وقت و مجهود علشان يفيد الآخرين

:)

و أدين أي حد عايز يشوّه الحاجات اللي مصنوعة عشان تفيدنا

و الأشخاص دول،للأسف، موجودين في كل ناحية من أنحاء الحياة

زمان و دلوقتي

كثرة البشر تفسد عالمنا

هذه هي النتيجة الحتمية و التطوّر الطبيعي

**

كنت قاعدة مع أصحابي النهاردة، و اتكلّمنا عن إيه أفضل، العالم من زمان (يعني تقريباً 1930 أو 1940) و العالم النهاردة

بدون أي تفكير جاوبت: العالم من زمان طبعاً

بس من جوّايا، أنا عارفة إن دا مش حقيقي، مش دا فعلاً اللي أنا مقتنعة بيه

أنا صحيح بحب أيام زمان عشان الأخلاق كانت أحسن، عشان كنّا بني آدمين أرقى بمراحل، عشان كل حاجة كانت بسيطة، عشان الناس كانت على طبيعتها، عشان الناس كانت راضية و الطمع مش متفشي، عشان الحب كان أصدق، و الصداقة كانت أصدق، و الفن كان أصدق، و الحياة عموماً كانت أشرق

بس برضه النهاردة فيه إيجابيات كتير قوي مستمتعة بيها و ما أتخيّلش حياتي من غيرها

زي الإنترنت مثلاً، الإنترنت دا عالم كامل متكامل بالنسبالي بلاقي كل اللي أنا عايزاه فيه

أو مثلاً إن المرأة بقت عارفة أهميّتها أكتر من زمان، و في معظم الوقت بتحارب عشان حقوقها

سهولة السفر اللي بتخلّيك تزور أي مكان تحبّه على وجه الأرض

**

من بعد تفكير فعلي، وصلت لنتيجة إن لو الناس مش كتيرة قوي كدا، لو كان فيه وسع و رحاب و الناس عارفة تمشي من غير ما تخبط في حد، أو تخلّص معاملتها من غير طوابير لا متناهية، أو تلاقي شغل من غير ماتقعد سنين تحارب عشانه، أو تعرف توصل لهدفها من غير متلاقي 1000 واحد تاني بيخططوا لنفس الهدف و بينافسوها، و غيره من الأمثلة الشبيهة، بيتهيألي العالم كان هيبقى أحسن بكتير، و مش هنتمنّى في كل دقيقة تمر علينا إننا نكون عايشين في أيام زمان

إعادة الأفكار، و المزيد من الإعادة

االعقول البشرية مش مميزة عن أقرانها العقول البشرية الأخرى

واحنا بنفكر كتير و بنتكلم كتير

و بقالنا ملايين السنين على الحال دا

بنفكر و نتكلم، نفكر و نتكلم، نفكر و نتكلم

يمكن ساعات بنتكلم من غير مانفكر، و ساعات تانية بنفكر من غير مانتكلم

المهم إن احنا بنعمل الحاجتين دول، و بقالنا كتير، و العقول البشرية مش مميزة

فإذاً النتيجة الحتمية للموضوع دا إن احنا بنعيد بعض

بنعيد بعض بشكل مبالغ فيه

الفرق بس بين اتنين قالوا نفس الحاجة، إن واحد كان عنده حظ إن الناس تفتكره و هو بيقولها

و واحد ماكنش عنده حظ خالص، فكأنّه ما قالش

**

تُنسى’ كأنَّكَ لم تَكُنْ
تُنْسَى كمصرع طائرٍ
ككنيسةٍ مهجورةٍ تُنْسَى’
كحبّ عابرٍ
وكوردةٍ في الليل .... تُنْسَى

أَنا للطريق...هناك من سَبَقَتْ خُطَاهُ خُطَايَ
مَنْ أَمْلَى رُؤاهُ على رُؤَايَ. هُنَاكَ مَنْ
نَثَرَ الكلام على سجيَّتِه ليدخل في الحكايِة
أَو يضيءَ لمن سيأتي بعدَهُ
أَثراً غنائياً...وحدسا
تُنْسَى, كأنك لم تكن
شخصاً, ولا نصّاً... وتُنْسَى

أَمشي على هَدْيِ البصيرة’ رُبّما
أُعطي الحكايةَ سيرةً شخصيَّةً. فالمفرداتُ
تسُوسُني وأسُوسُها. أنا شكلها
وهي التجلِّي الحُرُّ. لكنْ قيل ما سأقول.
يسبقني غدٌ ماضٍ. أَنا مَلِكُ الصدى.
لا عَرْشَ لي إلاَّ الهوامش. و الطريقُ
هو الطريقةُ. رُبَّما نَسِيَ الأوائلُ وَصْفَ
شيء ما ’ أُحرِّكُ فيه ذاكرةً وحسّا

تُنسَى’ كأنِّكَ لم تكن
خبراً’ ولا أَثراً... وتُنْسى
أَنا للطريق... هناك مَنْ تمشي خُطَاهُ
على خُطَايَ, وَمَنْ سيتبعني إلى رؤيايَ.
مَنْ سيقول شعراً في مديح حدائقِ المنفى’
أمامَ البيت’ حراً من عبادَةِ أمسِ’
حراً من كناياتي ومن لغتي, فأشهد
أَنني حيُّ
وحُرُّ
حين أُنْسَى!

عن الخوف

الخوف هو أخطر صفة ممكن يتميّز بيها الإنسان

الخوف مدمّر

بيسلبك روحك، نفسك، شخصيتك واحدة واحدة

كل مرّة بتخاف تعمل فيها حاجة بتخسر جزء منّك

و الخوف أنواع

ممكن ييجي بأشكال تسهّل عليك تسميته بألقاب تانية و بعيدة عن حقيقته

ماتخلّيهوش يخدعك

خلّيك عنيد

"الخوف قوّاد فحاذر أن تخاف

قل ما تريد لمن تريد كما تريد متى تريد"

الفكرة

بتكون إنت قاعد... سرحان، بتسمع أغنية، بتشتغل، بتتكلّم، أو بتعمل أي حاجة في 

الدنيا، و بعدين هي بتيجي... تفاجأك. ممكن كمان تقلبلك حياتك رأساً على عقب. و مش هتقدر تكون نفسك القديمة تاني. ما هي جت علشان تغيّر.

الفكرة.

فكرة الفكرة نفسها جميلة جداً، و لما تملكها هتكون ملكت حاجة تحسّسك بالشغف. و دي أقيم الحاجات.

الفكرة حاجة مابتجيش بالقرار. للأسف. ماتتعبش نفسك و تدوّر عليها أو تجري وراها، مابتحبّش الغصب.

بتيجي بمزاجها.

هي بالظبط زي اللمبة اللي بنشوفها في أفلام الكارتون. اللي بتنوّر فجأة و بدون سابق إنذار. 

On Knowledge.

Knowledge is precious.


I guess knowledge is all you have in this world. You depend on knowledge in every aspect of your life.
Even love needs knowledge to manifest itself. 


People keep saying that knowledge sometimes is a negative thing. And how without it life would be so simple.
For me this is superficial, because when you think about it, sometimes knowledge might give you a negative feeling, but it can never be a negative thing in itself. Knowledge is always positive, the more the "positiver".


Embrace knowledge, celebrate every bit of it and act upon it.